P. VERGILI MARONIS AENEIDOS LIBER PRIMVS
Arma virumque canō, Trōiae quī prīmus ab orīs
11
Ītaliam, fātō profugus, Lāvīniaque vēnit
8
lītora, multum ille et terrīs iactātus et altō
12
vī superum saevae memorem Iūnōnis ob īram;
12
multa quoque et bellō passūs, dum conderet urbem,
13
inferretque deōs Latiō, genus unde Latīnum,
13
Albānīque patrēs, atque altae moenia Rōmae.
10
Mūsa, mihī causās memorā, quō nūmine laesō,
9
quidve dolēns, rēgīna deum tot volvere cāsūs
9
īnsīgnem pietāte virum, tot adīre labōrēs
9
impulerit. Tantaene animīs caelestibus īrae?
14
Urbs antīqua fuit, Tyriī tenuēre colōnī,
9
Karthāgō, Ītaliam contrā Tiberīnaque longē
9
ōstia, dīves opum studiīsque asperrima bellī,
12
quam Iūnō fertur terrīs magis omnibus ūnam
11
posthabitā coluisse Samō; hīc illius arma,
11
hīc currus fuit; hōc rēgnum dea gentibus esse,
10
sī quā Fāta sinant, iam tum tenditque fovetque.
12
Prōgeniem sed enim Trōiānō ā sanguine dūcī
9
audierat, Tyriās olim quae verteret arcēs;
11
hinc populum lātē regem bellōque superbum
11
ventūrum excidiō Libyae: sīc volvere Parcās.
11
Id metuēns, veterisque memor Sāturnia bellī,
12
prīma quod ad Trōiam prō cārīs gesserat Argīs—
8
necdum etiam causae īrārum saevīque dolōrēs
10
exciderant animō: manet altā mente repostum
14
iūdicium Paridis sprētaeque iniūria fōrmae,
12
et genus invīsum, et raptī Ganymēdis honōrēs.
10
Hīs accēnsa super, iactātōs aequore tōtō
8
Trōas, rēliquiās Danaum atque immītis Achillī,
11
arcēbat longē Latiō, multōsque per annōs
9
errābant, āctī Fātīs, maria omnia circum.
8
Tantae mōlis erat Rōmānam condere gentem!
11
Análisis métrico
33
Versos
10.6
Media silábica
349
Sílabas totales